Span Suid-Afrika het sy 2026-Statebondspele-veldtog Vrydagaand met drie medaljes afgeskop, met die para-swemmer Nathan Hendricks wat die land se eerste goue medalje gewen het, terwyl beide die mans- en vroue-4×100 m-vryslagaflosspanne brons verower het by die Tollcross Internasionale Swemsentrum. En hulle hoop om die medalje-oes nog ‘n aansienlike hupstoot te gee!
Hendricks het van begin tot einde voorgeloop in die S13 100 m-vryslag vir swemmers met ‘n siggestremdheid.
“Dit is my eerste medalje op senior vlak en ek is oorstelp van vreugde,” het hy gesê. “Hierdie goue medalje is my geskenk aan almal wat my op my pad gehelp het.”
Die mans se bronsmedalje in die aflos was ook histories vir Chad le Clos, wat met sy 19de medalje oor vyf uitgawes van die Statebondspele die mees bekroonde manlike atleet in die geskiedenis van die Spele geword het.
Le Clos het die span, saam met Pieter Coetzee, Guy Brooks en Ruard van Renen, afgesluit en ‘n skof van 48,29 sekondes geswem.
“Ek kon dit nie sonder die ouens reggekry het nie – almal het vanaand hul deel gedoen,” het Le Clos gesê. “Ek is natuurlik verheug om medalje nommer 19 te wen. Dit is iets waarna ek al agt jaar streef. My pa was in trane; dit is alles baie emosioneel.”
Uitslae: 25 Julie (verskaf deur Team SA)
BOKS
Mans-weltergewig (65 kg), ronde van 32: Simamkele Damesi het teen Ziggy Agathe (Mauritius) verloor nadat die skeidsregter die geveg agt sekondes in die tweede ronde weens ‘n snywond bo sy oog gestaak het. Agathe het die mededingende eerste ronde met 10-9 op al vyf beoordelaars se telkaarte gewen.
GIMNASTIEK
Mans artistiese individuele kwalifisering, afdeling 2: Daniel McLean het negende geëindig met ‘n totaal van 63.600 punte.
NETBAL
Die Suid-Afrikaanse netbalspan het goed afgeskop met hul oorwinning oor Malawi: 65-44
ROLBAL
Mansenkelspel, Afdeling B, ronde 2: Wayne Rittmuller het Mitchell Graham (Norfolk) 11-2, 11-4 geklop vir sy tweede agtereenvolgende oorwinning.
Vrouepare, Afdeling B, ronde 2: Jackie Janse van Rensburg en Thabelo Muvhango het 2-0 (6-4, 7-5) teen Indië verloor.
PARA-ROLBAL
Gemengde pare (B2-B3), Afdeling A, ronde 1: Princess Schroeder en Keith Orwell het 2-0 (8-3, 6-1) teen Skotland verloor.
Gemengde pare (B2-B3), Afdeling A, ronde 2: Princess Schroeder en Keith Orwell het 1,5-0,5 (9-2, 4-4) teen Australië verloor.
SWEM
SPELEREKORD! Mans 50 m-rugslag, uitdunne: Pieter Coetzee het sy uitdun in 24,45 sekondes gewen en as vinnigste vir die halfeindronde gekwalifiseer. Ruard van Renen was tweede in 24,78 sekondes en het as die tweede vinnigste deurgedring.
SPELEREKORD! Mans 50 m-rugslag, halfeindronde: Pieter Coetzee het nóg ‘n Statebondspele-rekord opgestel toe hy sy halfeindronde in 24,29 sekondes gewen het en as vinnigste vir die eindronde gekwalifiseer het. Ruard van Renen het sy halfeindronde in 24,56 sekondes gewen en as tweede vinnigste deurgedring.
Mans 200 m-wisselslag, uitdunne: Kris Mihaylov was sewende in sy uitdun in 2:03.57, wat hom 11de algeheel geplaas het en buite die eindronde gelaat het.
Mans 100 m-borsslag, uitdunne: Michael Houlie was tweede in sy uitdun in 1:00.14 en het as vierde vinnigste vir die halfeindronde gekwalifiseer. Chris Smith was ook tweede in sy uitdun in 1:00.86 en het as agtste vinnigste deurgedring.
Mans 100 m-borsslag, halfeindronde: Michael Houlie (1:00.03) en Chris Smith (1:00.43) het albei vinniger geswem. Houlie het as vyfde vinnigste en Smith as agtste vinnigste vir die eindronde gekwalifiseer.
Mans 4×100 m-vryslagaflos, uitdunne: Span SA (Kris Mihaylov, Guy Brooks, Ruard van Renen en Chad le Clos) het tweede geëindig in 3:18.14 en as vierde vinnigste vir die eindronde gekwalifiseer.
BRONS! Mans 4×100 m-vryslagaflos, eindronde: Span SA het brons gewen in 3:13.99. Pieter Coetzee het eerste geswem, gevolg deur Guy Brooks (48.98), Ruard van Renen (48.34) en Chad le Clos (48.29).
Vroue 50 m-vlinderslag, uitdunne: Erin Gallagher het haar uitdun in 25.70 gewen en as tweede vinnigste vir die halfeindronde gekwalifiseer. Caitlin de Lange was tweede in 26.34 (vierde algeheel), terwyl Jessica Thompson haar uitdun in 26.24 gewen het en derde vinnigste was.
Vroue 50 m-vlinderslag, halfeindronde: Erin Gallagher (25.69) en Caitlin de Lange (26.28) het eerste en tweede in hul halfeindronde geëindig. Jessica Thompson was derde in die ander halfeindronde in 26.02. Gallagher gaan as tweede vinnigste, Thompson as vierde en De Lange as vyfde na die eindronde.
Vroue 400 m-vryslag, uitdunne: Dune Coetzee was sewende in haar uitdun in 4:14.93 en 12de algeheel. Hannah Robertson was sewende in haar uitdun in 4:19.58 en 18de algeheel. Albei het die eindronde misgeloop.
Vroue 200 m-rugslag, uitdunne: Hannah Pearse was derde in haar uitdun in 2:12.37 en het die eindronde met 0,01 sekonde misgeloop.
Vroue 4×100 m-vryslagaflos, uitdunne: Span SA (Georgia Nel, Rebecca Meder, Jessica Thompson en Caitlin de Lange) was derde in hul uitdun in 3:43.87 en het as vyfde vinnigste vir die eindronde gekwalifiseer.
BRONS! Vroue 4×100 m-vryslagaflos, eindronde: Span SA het brons gewen in 3:38.67, ‘n nuwe Afrikarekord. Aimee Canny het eerste geswem, gevolg deur Rebecca Meder, Erin Gallagher en Olivia Nel, wie se laaste skof van 54.29 die medalje verseker het.
PARA-SWEM
Mans S13 100 m-vryslag, uitdunne: Nathan Hendricks was tweede in sy uitdun in 56.66 en het as tweede vinnigste vir die eindronde gekwalifiseer.
GOUD! Mans S13 100 m-vryslag, eindronde: Nathan Hendricks het van begin tot einde voorgeloop en in 54.54 gewen. Dit was Span SA se eerste medalje van die 2026-Statebondspele.
Vroue S13 100 m-vryslag, uitdunne: Danika Vyncke was derde in haar uitdun in 1:05.13 en het as derde vinnigste vir die eindronde gekwalifiseer. Alani Ferreira was agtste in 1:06.95 en het as agtste vinnigste deurgedring.
Vroue S13 100 m-vryslag, eindronde: Danika Vyncke het in 1:04.68 vierde geëindig en net-net ‘n medalje misgeloop. Alani Ferreira was agtste in 1:06.05.
ROLSTOELBASKETBAL
Vroue 3×3: Span SA (Aviwe Ngoni, Michelle Moganedi, Ongezwa Hagu en Asive Gilife) het 19-3 teen Kanada verloor.