Hier is die hoofnuus wat vandag, 25 Junie, gebeur het. Dié artikel bevat die vernaamste nuus wat plaaslik, in die sportwêreld en oorsee plaasgevind het.
Plaaslik
- Leon Schreiber, minister van binnelandse sake: ‘Niemand het die reg om immigrasiewette buite die staat af te dwing, of om dokumente of identifikasie te eis nie, niemand het die reg om geweld of selfreg aan te hits nie.’
- Die EFF het aan die adjunk-voorsitter van die Nasionale Vergadering, Annelie Lotriet, geskryf om ’n mosie van wantroue teen die speaker Thoko Didiza ter tafel te lê en die mosie, in die naam van EFF-leier Julius Malema, is vir dringende oorweging ingedien.
- Die Nasionale Vervolgingsgesag het ’n bewaringsbevel verkry oor ’n woonhuis ter waarde van R6 mil. in Hartbeespoort van die omstrede regter Portia Phahlane en sê daar is bewyse dat sy die eiendom in gedeeltelik gefinansier het met opbrengste uit onwettige aktiwiteite.
- Tshwane se stadsbestuurder, Johann Mettler, het 7 dae gekry om te verduidelik waarom hy nie geskors moet word nie ná bewerings van ernstige wangedrag, finansiële wanbestuur, wanadministrasie en pligsversuim teen hom gemaak is.
- Omstrede voormalige prokureur Peet Viljoen se saak is uitgestel tot 8 Julie.
- Die konstitusionele hof het ’n verdeelde uitspraak gelewer oor die president se bedenkings oor die grondwetlikheid van op outeursreg, want die hof het bevind dat dele van Artikel 12D (kopiëring van gedeeltes van boeke en artikels vir opvoedkundige doeleindes) ongrondwetlik en arbitrêr is, en ander geldig en grondwetlik is.
- Die Pretoriase landdroshof het die bedrog- en korrupsiesaak van 16 beskuldigdes, insluitend die geskorste nasionale polisiekommissaris, genl. Fannie Masemola, en 12 senior beamptes van die SAPD, tot 28 Augustus uitgestel.
- Omstrede sakeman Vusimuzi ‘Cat’ Matlala het erken dat hy honderde duisende rand aan ’n senior polisiebeampte betaal het in ruil daarvoor dat sy haar invloed gebruik om ’n winsgewende tender van die SAPD te beïnvloed.
Oorsee
- Die leier van Hezbollah, Naim Qassem, sê Israel het ‘geen ander keuse nie’ as om onvoorwaardelik uit die gebiede in Libanon wat dit beset te onttrek, en hy het enige normalisering van betrekkinge tussen die twee lande verwerp.
- Oekraïne en Rusland het Vrydag 160 gevange soldate uitgeruil, het Moskou gesê, in die jongste krygsgevangene-ruiling in die vier jaar lange oorlog.
- Japan het meer as ’n miljoen mense aangeraai om hul huise te verlaat terwyl twee tropiese storms Vrydag oor beweeg het, met stortreën wat ook Taiwan tref waar minstens twee mense reeds dood is.