Daar is reisagentskappe wat beweer dat tekortkominge binne SA Rugby se geledere die rede is hoekom teleurgestelde ondersteuners sonder kaartjies vir vandag se Castle Double Malt Rugby’s Greatest Rivalry-toets by DHL-stadion gelaat is.
Dit is heeltemal onwaar.
Agentskappe het kaartjies belowe wat hulle nie gehad het nie – en nie kon bekom nie – vir die toets, in stryd met die geleentheid se bepalings en voorwaardes van verkoop, en sonder dat SA Rugby of sy kaartjie-agentskap hulle ooit toegang tot kaartjies gegee het.
Volgens SA Rugby het hierdie maatskappye onwettig en roekeloos opgetree in die nastrewing van hul eie kommersiële gewin ten koste van hul kliënte.