Hier is die hoofnuus wat vandag, 9 September, gebeur het. Dié artikel bevat die belangrikste nuus wat plaaslik, in die sportwêreld en oorsee plaasgevind het.
Plaaslik
- Die bestuurder van die skoolvervoervoertuig wat in Vanderbijlpark teen ’n vragmotor gebots het, waarin 14 leerders oorlede is, is borgtog van R3 000 toegestaan nadat Ayanda Dludla ’n suksesvolle borgtogaansoek op grond van nuwe feite gebring het.
- Die DA sê die Stad Tshwane, wat deur die ANC gelei word, se bewerings van finansiële herstel word nie in inwoners se daaglikse werklikheid weerspieël nie, en wys op teruggeneemde brandbestrydingsvoertuie, verslegtende infrastruktuur, toenemende waterverliese, laat betalings aan klein ondernemings en afnemende kontantreserwes as bewyse van voortgesette finansiële nood.
- Die Parlement se Artikel 89-staatsaanklagkomitee staar nuwe regsuitdagings in die gesig nadat die besluit om die aanbeveling van adv. Thandazani Madonsela as getuienisaanvoerder terug te trek, herroep is, met die vervolgingskomitee wat aangedui het dat hulle die EFF se hofaansoek gaan teëstaan.
- Ian Cameron, DA-LP en voorsitter van die portefeuljekomitee vir polisie, het ’n strafsaak geopen nadat ’n hond ernstig beseer by ’n dierehospitaal van die SAPD aangetref is.
- Polisie beslag lê op meer as 27 000 Mandrax-tablette in Parow én ontmasker hidroponiese daggalaboratorium van R1,5 miljoen in De Deur.
- Die geregtelike ondersoek na die dood van Anele Tembe, voormalige meisie van rapper AKA, is uitgestel tot 19 Oktober.
- Die geregtelike ondersoek na die dood van die aktivis Steve Biko is tydelik opgeskort nadat sy familie ’n dringende aansoek by die hooggeregshof in Gqeberha ingedien het, met die versoek om die ondersoek te staak sodat hulle meer tyd kan kry om hul saak behoorlik voor te berei.
- Bok-breker Jasper Wiese: ‘Hopelik kan ons hierdie naweek vir die mense hier [in VSA] ’n goeie vertoning lewer en vir hulle ’n voorsmakie gee van waaroor rugby gaan. Die sport is natuurlik nie so groot hier soos in Nieu-Seeland of SA nie, maar die ondersteuners wat hierdie naweek daar gaan wees, gaan uitstekende rugby van albei spanne sien.’
Oorsee
- ’n Ontploffing by ’n wapenopslagplek in Sirië se noordwestelike Idlib-provinsie het 14 mense doodgemaak, maar die oorsaak van die ontploffing is nog nie bekend nie.
- Iran se Rewolusionêre Wag sê dat ’n nuwe ‘verbode sone’ buite die Straat van Hormoes dele van die Golf van Oman en gebiede verder sal insluit, en het bygevoeg dat die presiese koördinate later bekend gemaak sal word.
- Die Serwiese president, Aleksandar Vučić, het vandag die parlement ontbind en ’n vervroegde parlementsverkiesing vir 25 Oktober aangekondig, een van die vernaamste eise van die land se langdurige protesbeweging.
- 2 weke ná dodelike oorstromings soek reddingswerkers nogsteeds in hidroëlektriese tonnels vir oorlewendes wat vasgekeer is.
- ’n Tophof van die EU het die Russiese miljardêr Roman Abramovich se derde poging verwerp om sanksies teen hom weens die oorlog in Oekraïne tersyde te laat stel.
- Verskeie skepe in die Golfstreek is aan die brand, het ’n Britse maritieme agentskap gesê, nadat Iran gesê het dit het 20 skepe aangeval wat deur die Straat van Hormoes probeer vaar het.
- Die VN vra vir ’n onmiddellike skietstaking in Soedan namate die humanitêre krisis verdiep.
- Oliepryse het vir die 1ste keer in meer as 2 maande bo $100 per vat gestyg, aangesien toenemende spanning tussen die VSA en Iran vrese oor ontwrigtings in olievoorrade uit die Midde-Ooste laat toeneem.
- Tung Chee-hwa, Hongkong se 1ste leier ná die stad se terugkeer na Chinese bewind, is op 89-jarige ouderdom oorlede.