André Esterhuizen is as kaptein van die Haaie vir die 2026/27-seisoen van die Verenigde Rugbykampioenskap (URC) aangewys.
Die Springbok-senter sal die Durbanse span in die nuwe seisoen lei, met Emile van Heerden, Nick Hatton en Vincent Tshituka as medekapteins. Vincent Koch en Phepsi Buthelezi sal ook as klubkapteins optree.
Die Haaie se URC-groep bestaan uit 67 spelers en sluit ’n aantal huidige en voormalige Springbokke in, waaronder Eben Etzebeth, Bongi Mbonambi, Ox Nche, Vincent Koch, Thomas du Toit, Trevor Nyakane, Makazole Mapimpi, Edwill van der Merwe en Ethan Hooker.
Die groep sluit verder spelers soos Jaden Hendrikse, Jordan Hendrikse, Jurenzo Julius, Siya Masuku, Phepsi Buthelezi, Ross Braude, Suleiman Hartzenberg en Yaw Penxe in.
Die Haaie se volledige groep bestaan uit:
Agterspelers: Albertus (Albie) Bester, André Esterhuizen, Bradley Davids, Cameron Dawson, Ceano Everson, Coetzee le Roux, Darrien Landsberg, Dian Heunis, Donavan Don, Edwill van der Merwe, Ethan Bester, Ethan Hooker, Gianni Lombard, Hakeem Kunene, Ivan van Zyl, Jaco Purchase, Jaco Williams, Jaden Hendrikse, Jannes Potgieter, Jordan Hendrikse, Jurenzo Julius, Lee-Marvin Mazibuko, Liam van Wyk, Litelihle (Lili) Bester, Luan Giliomee, Lyle Matthews, Ma’a Nonu, Makazole Mapimpi, Matt Romao, Matthew Fortuin, Murray Koster, Ross Braude, Siya Masuku, Suleiman Hartzenberg, Thomas Dyer, Vusi Moyo, Yaw Penxe en Zekhethelo Siyaya.
Voorspelers: Bongi Mbonambi, Corne’ Rahl, Deon Slabbert, Eben Etzebeth, Eduan Swart, Emile van Heerden, Emmanuel (Manu) Tshituka, Esethu Mnebelele, Fezokuhle (Fez) Mbatha, Hanro Jacobs, Hendre’ Stassen, Jason Jenkins, Johan Momsen, Khuthadzo (Khuthi) Rasivhaga, Nick Hatton, Phatu Ganyane, Phepsi Buthelezi, Phikolomzi (PK) Sobahle, Rambo Kubheka, Ox Nche, Simphiwe Matanzima, Simphiwe Ngobese, Stephan Lewies, Tino Mavesere, Trevor Nyakane, Vincent Koch, Vincent Tshituka, Thomas du Toit en Willem van den Heever.
Die Haaie begin hul nuwe URC-veldtog op 26 September teen die Ospreys in Durban. Hulle pak daarna Leinster tuis voordat hulle op 10 Oktober teen die DHL Stormers in Kaapstad speel.