Die All Blacks het hul span aangekondig vir Saterdag se derde toets teen die Springbokke in die Greatest Rivalry-reeks by FNB-stadion, met Asafo Aumua wat as haker in die beginspan ingesluit is.
Aumua begin op haker, terwyl Samisoni Taukei’aho op die plaasvervangersbank is. Codie Taylor is intussen uit die groep gelaat.
Op slot sal Sam Darry saam met Tupou Vaa’i uitdraf, Peter Lakai begin in die nommer ses-trui, terwyl Wallace Sititi ’n plek op die bank inneem.
Agtsteman Ardie Savea sal oudergewoonte die kaptein wees.
All Blacks-afrigter Scott Rennie het hulde gebring aan Vaa’i, wat sy 50ste toets vir Nieu-Seeland speel.
“‘Tupes’ is ’n uitstekende mens. Dit gaan ’n besonderse dag vir hom en sy familie wees en dit gee ons ekstra motivering,” het Rennie gesê.
“Met albei spanne wat die derde toets met een oorwinning elk binnegaan, is daar alles om nog voor te speel Saterdag.
“Die span wat nie dié naweek wen nie, kan nie die reeks wen nie. Dis die soort uitdaging wat ons geniet om aan te pak.
“Die span voel vars ná ’n volle week se voorbereiding en ons kan nie wag om ons alles op die veld te gee nie.”
All Blacks-span vir die derde toets
15. Damian McKenzie, 14. Will Jordan, 13. Quinn Tupaea, 12. Jordie Barrett, 11. Leroy Carter, 10. Ruben Love, 9. Cam Roigard, 8. Ardie Savea (kaptein), 7. Luke Jacobson, 6. Peter Lakai, 5. Sam Darry, 4. Tupou Vaa’i, 3. Tyrel Lomax, 2. Asafo Aumua, 1. George Bower.
Plaasvervangers: 16. Samisoni Taukei’aho, 17. Xavier Numia, 18. Fletcher Newell, 19. Fabian Holland, 20. Wallace Sititi, 21. Kyle Preston, 22. Anton Lienert-Brown, 23. Josh Moorby.