Dolly Parton, wat Dinsdag op die ouderdom van 80 oorlede is, was veel meer as die beeld van die “plattelandse Barbie” wat sy speels deur haar ses dekades lange loopbaan gekweek het.
Die Amerikaanse sangeres, liedjieskrywer, aktrise, sakevrou en filantroop het een van die suksesvolste vermaaklikheidskunstenaars in die geskiedenis geword, ondanks die feit dat sy in armoede in landelike Tennessee grootgeword het.
Parton was ’n uitsonderlike talent wat reeds op 10-jarige ouderdom begin het om, soos sy dit self beskryf het, “hartseer liedjies” oor liefdesverdriet en tragedie te skryf. Volgens haar eie berekening het sy sowat 3 000 liedjies geskryf, waaronder country-klassieke soos “Jolene” en die ballade “I Will Always Love You”, wat later ’n internasionale treffer vir Whitney Houston geword het.
Trump het gelas dat vlae by federale geboue halfmas gehys word en Parton se dood beskryf as ’n “verlies vir miljoene Amerikaners wat met haar musiek grootgeword het”.
“Dolly Parton was meer as ’n sangeres; sy was ’n Amerikaanse nasionale skat wat vreugde aan gesinne regoor ons groot land gebring het,” het Trump in ’n verklaring gesê.
Die liefde vir wie Dolly is, het egter nie net in Amerika weerklink nie. Dié video van die Britste koninklike wagte wat op X gedeel is, het al meer as 700 000 kyke aanlyn gekry:
Kyk hier na nog huldeblyke aan die country-ikoon: