Byna 3 000 mense was Saterdag steeds vermis en 633 sterftes is bevestig nadat kitsvloede en grondverskuiwings die grens tussen Nepal en Tibet getref het.
Waarom soveel toeriste?
Nepal lok jaarliks groot getalle internasionale reisigers en pelgrims omdat dit wêreldklas-staproetes in die Himalaja bied en as die belangrikste oorlandroete na heilige geestelike plekke in Tibet dien. Tibet lok ook jaarliks miljoene toeriste weens massiewe staatsbeleggings in infrastruktuur, sy diep geestelike betekenis en aggressiewe bemarking binne China.
Suid-Afrikanders onder vermistes
Die ses Suid-Afrikaners wat Suid-Afrika wat volgens die Nepal-toerismeraad onder die vermistes tel, is:
- Terricia Govender (33) van Isipingo, KZN
- Bavika Ramjee (43) van KuGompo
- Vivaganathan Pillay (66) en sy vrou, Janet Pillay (56), van Ladysmith, KZN
- Surendranath Maharaj (74) en sy vrou, Anitha Devi Maharaj (67), van Ladysmith, KZN
Die syfers sal waarskynlik verander, wat nie ongewoon is te midde van die chaos ná ’n groot ramp nie.
Hier is die jongste syfers:
Altesaam: 2 980 vermis
Nepal se rampbestuursagentskap het Saterdag die totale getal mense wat aan sy kant van die grens vermis word, tot 2 426 verhoog.
Die totale getal vermistes in Tibet staan nou op 554, terwyl sewe mense se dood bevestig is, het China se staatsnuusagentskap Xinhua vroeg Saterdag berig.
Gesamentlik staan die totale getal vermistes dus op minstens 2 980.
Nepal se rampbestuursagentskap het Vrydag gesê 517 buitelanders – wat toeriste sowel as buitelandse werkers kan insluit – word steeds vermis.
Chinese owerhede het Vrydag die getal vermiste buitelanders op 260 gestel.
Nepal se rampbestuursagentskap het Saterdag gesê minstens 626 mense is dood, wat die totale dodetal op minstens 633 te staan bring.
Nepal
Syfers van die Nepal-toerismeraad het Vrydag aangedui dat 149 Nepalese toeriste onder die 622 mense is wat as vermis gelys is.
Nepal se rampbestuursagentskap het die syfer laer, op 127, gestel.
Dit was nie onmiddellik duidelik hoeveel Nepalese inwoners van die gebied nog vermis word nie, maar die getal is vermoedelik in die honderde.
China
China se ministerie van buitelandse sake het Donderdag gesê byna 100 Chinese burgers is onder die vermistes in Nepal.
Die Nepal-toerismeraad het gesê agt Chinese burgers word vermis, terwyl 16 gered is.
Dit is benewens die 554 mense wat steeds aan die Chinese kant van die grens vermis word, het Xinhua Saterdag berig.
Indië
Nepal se jongste syfers van die toerisme-raad het Vrydag aangedui dat 98 mense van Indië vermis word, terwyl 85 ander gered is.
Verenigde State
90 Amerikaanse burgers word vermis, het die Amerikaanse departement van buitelandse sake Donderdag gesê. Drie mense is gered en die departement was nie bewus van enige Amerikaanse sterftes nie.
Die Nepal-toerismeraad het die getal Vrydag op 65 vermistes en twee gereddes gestel.
Oekraïne
Die Nepal-toerismeraad het die getal Oekraïners wat Vrydag steeds vermis is, op 61 gestel.
Oekraïne se ambassade in Nepal het Vrydag gesê hy is bewus van 62 landsburgers met wie kontak verloor is, ’n verhoging van ses teenoor die vorige syfers.
Maleisië
Die Nepal-toerismeraad het die getal vermistes op 51 gestel.
Australië
“Die getal het ongelukkig oornag tot 41 gestyg – 41 Australiërs van wie daar geen rekenskap is nie,” het Matt Thistlethwaite, assistentminister van immigrasie, Saterdag gesê.
Verenigde Koninkryk
33 mense van die Verenigde Koninkryk word vermis, volgens die Nepal-toerismeraad se syfers wat Vrydag bekend gemaak is.
Letland
29 Letlanders word vermis, het die Nepal-toerismeraad Vrydag gesê.
Kanada
Die Nepal-toerismeraad het gesê 25 Kanadese was Vrydag onder die vermistes. Kanada se ministerie van buitelandse sake het die syfer vir Nepal en Tibet saam op 30 gestel.
Suid-Korea
Die Nepal-toerismeraad het Vrydag gesê nege Suid-Koreaanse toeriste word vermis.
Suid-Korea se ministerie van buitelandse sake het Woensdag gesê daar was geen nuus oor nege hidrokragwerkers nie.
Singapoer
Nege Singapoerse burgers word vermis, het die Nepal-toerismeraad gesê.
Duitsland
Agt Duitse burgers word vermis, volgens die Nepal-toerismeraad.
Rusland
Nege Russe word vermis, terwyl twee gered is, het die Nepal-toerismeraad Vrydag gesê.
Ander nasionaliteite
- Japan: vyf (Nepal-toerismeraad)
- Nieu-Seeland: vyf (ministerie van buitelandse sake en Nepal-toerismeraad)
- Frankryk: vier (Nepal-toerismeraad)
- Spanje: drie (Spaanse ministerie van buitelandse sake)
- België: twee, met een persoon wat gered is (Nepal-toerismeraad)
- Hongarye: drie (Hongaarse ministerie van buitelandse sake). Die Nepal-toerismeraad het die getal op een gestel.
- Portugal: drie, met twee wat veilig gevind is (Portugese regering). Die Nepal-toerismeraad het gesê slegs een Portugese burger word vermis.
- Nederland: twee (Nepal-toerismeraad)
- Italië: drie vermis (Italiaanse ministerie van buitelandse sake). Die Nepal-toerismeraad het Vrydag gesê een word vermis en twee is gered.
- Ierland: twee (Nepal-toerismeraad)
- Kazakstan: drie (Nepal-toerismeraad)
- Belarus: een (Nepal-toerismeraad)
- Finland: een (Nepal-toerismeraad)
- Israel: een (Nepal-toerismeraad)
- Litaue: een (Nepal-toerismeraad)
- Filippyne: een (Nepal-toerismeraad)
- Serwië: een (Nepal-toerismeraad)
- Switserland: een, met een persoon wat gered is (Nepal-toerismeraad)
- Swede: een (Sweedse ministerie van buitelandse sake en Nepal-toerismeraad)
- Viëtnam: een (Nepal-toerismeraad)
Nasionaliteite onbevestig
Die syfer wat China Donderdag aan sy kant van die grens bekend gemaak het, het 260 buitelanders ingesluit, maar geen uiteensetting volgens nasionaliteit is verskaf nie.
Die nasionaliteite van die nie-toeriste wat in Nepal vermis word, is ook nog nie bekend gemaak nie.