6 Marcell Coetzee – 8
Die klipharde kaptein van die Bulle was gewis een van die span se uitblinkers van die aand. Hy het gedra, duikslae uitgevoer en omtrent alles gedoen wat ’n mens van ’n Springbok kan verwag.
7 Hanro Liebenberg – 7
’n Uitstekende toevoeging tot die Bulle vir die komende seisoen. Het gedink hy het gedruk nadat Fabian Holland ’n optel van die bal naby sy eie doellyn verbrou het, maar daar was ’n vorentoe-aangee vroeër in die aanloop. Het fisiek sterk vertoon.
8 Jeandré Rudolph – 8,5
Een van die ligpunte vir die Bulle. Het balbesit teruggewen, duikslae gemaak en gehelp om ’n drie op te stel met ’n briljante blindekantbreuk uit ’n skrum. Ongelukkig is sy aand deur ’n kopbeseringsassessering (HIA) kortgeknip.
9 Embrose Papier – 6
Het ’n paar goeie skoppe gelewer en uitstekende diens aan die agterlyn verskaf, maar het nie veel kans gekry om sy kenmerkende skerp breuke om die skrum te maak nie. ’n Redelik stil aand volgens sy standaarde.
10 Curwin Bosch – 7
Het ’n rukkie geneem om behoorlik sy ritme in die wedstryd te vind en kon dit nie altyd vanuit ’n aanvallende oogpunt beïnvloed nie, met Le Roux wat soms die nommer 10-rol oorgeneem het. Het goed uit die hand geskop en uitstekend gevaar om Stravino Jacobs vir die vleuel se drie weg te stuur. ’n Stewige vertoning.
11 Stravino Jacobs – 7
’n Bereidwillige aanvaller en het ’n briljante drie gedruk deur Beauden Barrett met gemak te systap. Het ook ’n paar belangrike duikslae gemaak.
12 Harold Vorster – 5
Het van tyd tot tyd die bal goed gedra, maar is gereeld in die verdediging uitgespeel.
13 Stedman Gans – 5
Het die hele aand hard probeer, maar het in die tweede helfte tweede gekom toe hy taamlik maklik uit die pad gestamp is. Het ook balbesit verloor.
14 Thaakir Abrahams – 5,5
Het die hele wedstryd hard gewerk en beskik ongetwyfeld oor baie spoed wat die Bulle beter behoort te benut. Het egter soms in die verdediging gesukkel.
15 Willie le Roux – 5
Le Roux het waarskynlik te hard probeer om ’n verskil te maak. Sommige dinge het goed gewerk, terwyl ander minder suksesvol was. Hy het hom dikwels op nommer 10 bevind waar hy probeer het om die spel te beheer, maar sy besluit om ’n vinnige strafskop te neem toe die Bulle eerder ’n aanvallende lynstaan kon opstel, was nie sy beste besluit nie.
Plaasvervangers – 6
Johan Grobbelaar en Elrigh Louw het broodnodige wedstrydtyd gekry met die Springbokke se komende wedstryde in gedagte, terwyl Paul de Wet ’n vinnige en energieke vertoning op skrumskakel gelewer het.