As jy vandag op die pad is, moenie nét jou sambreel of sonskerm inpak nie. Maak seker daar is plek vir spek. Volgens Eskort se jongste, hoogs ongewone weerberig is daar ’n 100%-kans op spek oor die hele Suid-Afrika.
Vergeet van kouefronte, reën en sterk winde. Vandag word Internasionale Spekdag gevier en Suid-Afrika se weerkaart kry die geleentheid vir ’n heerlike nuwe baadjie.
Die Suid-Afrikaanse varkvleisprodusent Eskort het in samewerking met Vox Weather ’n spek-geïnspireerde weerdiens bekend gestel, met voorspellings vir Johannesburg, Pretoria, Kaapstad, Durban en Gqeberha.
En ja, die vooruitsigte lyk volgens Eskort besonders “smaaklik”.
Mone Gerryts, Eskort se hoof-spekweerkundige, het die kaarte bestudeer, die drukstelsels nagegaan en selfs diep in die braaipan gekyk voordat sy haar amptelike voorspelling bekend gemaak het: Suid-Afrika kan vandag ’n 100%-kans op Eskort-spek verwag.
Die veldtog is ’n speelse knipoog na die belangrike rol wat spek reeds in Suid-Afrikaanse koskultuur speel. Suid-Afrikaners bestee immers na bewering byna R37 miljard per jaar aan spek.
Spek is ook geen nuwe toevoeging tot Eskort se produkreeks nie. Dit was een van die maatskappy se eerste produkte toe Eskort in 1917 begin het en bly vandag een van sy grootste produkportefeuljes.
“Reën of sonskyn, en of dit ontbyt, middagete of aandete is, weet Eskort dat die oomblikke wat ons die meeste onthou, dikwels rondom kos gedeel word,” sê Gerryts.
“As ’n trots Suid-Afrikaanse handelsmerk is Eskort daartoe verbind om ons land se diverse koskultuur te vier en te bevorder, terwyl ons elke maaltyd wat gedeel word meer onvergeetlik maak met die onmiskenbare smaak van Eskort-spek.”
Só lyk die spekweer in jou stad
Volgens Eskort se besonderse voorspelling kan inwoners van verskillende dele van die land die volgende verwag:
- Johannesburg: Bewolkte periodes met moontlike middag-donderstorms, en ’n 100%-kans op trots Suid-Afrikaanse Eskort-spek.
- Pretoria: Warm met wasige sonskyn en moontlike middag-donderstorms. Ideale toestande vir wêreldklas-Eskort-spek.
- Kaapstad: Sonnig. Eskort-spek behoort deur die dag vrolik in panne te sis.
- Durban: Koel en meestal bewolk, met periodes van reën. Volgens die voorspelling is dit perfekte weer om gehalte-Eskort-spek te geniet.
- Gqeberha: Meestal sonnig en gematig, met deskundiges wat bevestig dat die toestande ideaal is vir Eskort se reeks natuurlik houtgerookte spek.
