Maak nie saak hoeveel of hoe hard die bespiegelings voor die tyd was nie, pesident Cyril Ramaphosa het Maandagaand dit baie duidelik uitgespel: Hy gaan nie as president bedank nie en sal die Phala Phala-verslag laat hersien.
Beide die DA en EFF voel dat dit aanspreeklikheid kan vertraag, met die laasgenoemde party wat dit baie strenger teenstaan as die eersgenoemde.
Volgens DA-leier, Geordin Hill-Lewis, mag die president nie die Phala Phala-verslag laat hersien met die doel voor oë om die Parlement se werk te vertraag nie.
“Dit is sy wettige reg om die Hooggeregshof te nader en die DA respekteer behoorlike regsproses, die howe en die oppergesag van die reg,” het Hill-Lewis in ’n verklaring gesê.
“Die Parlement moet nou ook dringend regsadvies inwin oor die implikasies van die president se aksies om die verslag te hersien, insluitend of dit die instelling en werk van die vervolgingskomitee raak, en of die komitee kan voortgaan terwyl die hersiening aan die gang is.”
“Gegewe die ernstige grondwetlike gevolge van hierdie saak, en die groot openbare belang daarin, moet die Parlement die Suid-Afrikaanse publiek in sy vertroue neem deur daardie regsadvies bekend te maak sodra dit ontvang word.
“Hierdie saak moet wettig, deursigtig en met die grondwetlike erns wat dit verdien, hanteer word.”
Die EFF se woordvoerder, Sinawo Thambo, het aan die SABC gesê dat hulle Ramaphosa se besluit verwag het.
“Hulle moet onthou, dit is dieselfde individu wat in 2022 ’n hersieningsaansoek ingedien het en dit toe teruggetrek het omdat hy gedink het hy het polities daarin geslaag om dit deur ’n ongrondwetlike meerderheidstem te smoor.
“Hy probeer die regbank manipuleer op grond daarvan dat hy die konstitusionele hof probeer ondermyn.”
Thambo hoop dat die staat van beskuldiging teen Ramaphosa sal voortgaan soos die hof dit verwag.
“Dit is ’n ontwykende taktiek, dit is ’n vertragingstaktiek.”