Hier is die hoofnuus wat vandag, 3 Junie, gebeur het. Dié artikel bevat die vernaamste nuus wat plaaslik, in die sportwêreld en oorsee plaasgevind het.
Plaaslik
- Madlanga-kommissie: Gavin Jacob, bevelvoerder van die Valke se eenheid teen ernstige georganiseerde misdaad in Durban, beweer hy was nie deel van ’n plan om R200 m. se dwelms uit ’n polisiebergingsfasiliteit te steel nie.
- Kruisondervraging van die beweerde onderwêreld-‘fixer’ Ziyaad Poole duur voort in die Nafiz Modack-verhoor.
- Limpopo-polisie loods ’n ondersoek na die moord op ’n 2-jarige seun van Maphosa-dorpie.
- Uitspraak in die moord- en brandstigtingsaak teen Sthembiso Mdlalose, wat aanvanklik erken het dat hy die verwoestende brand in Johannesburg se middestad gestig het waarin 76 mense gesterf het, is tot 21 Julie uitgestel.
- DA-leier, Geordin Hill-Lewis, neem verkiesingsveldtog na Mabopane in Tshwane.
- ’n Kouefront sal temperature onder vriespunt in Gauteng bring die naweek, en ’n vlak 8-waarksuwing vir ernstige storms is uitgereik vir dele van die Oos- en Wes-Kaap.
- Skole in drie distrikte in die Oos-Kaap en twee distrikte in die Wes-Kaap is vir Woensdag en Donderdag gesluit, ná ’n Vlak 8-weerwaarskuwing vir die provinsies uitgereik is.
- Willie Aucamp, minister van bosbou, visserye en die omgewing, oor inhegtenisneming van twee verdagtes in Mosambiek in verband met die Krugerwildtuin-moorde: “Terwyl die Marais-familie ’n verwoestende verlies gely het, hoop ek dat hierdie inhegtenisnemings ’n mate van troos aan hulle sal bied terwyl hulle voortgaan om hierdie moeilike pad te navigeer.”
- Geskorste polisiesersant Fannie Nkosi se borgtogappèl is in die hooggeregshof in Pretoria van die hand gewys.
- Jesse Kriel sê hy gaan nie binnekort sy Japanese klubrugby vir ’n ander klub verruil nie: “Ek het besluit om vir die Eagles aan te hou speel en belowe dat ek die kampioenskap saam met dié span sal wen. Maak nie saak wat gebeur nie, ek wil daardie doel bereik.”
- Agt Suid-Afrikaners het die Verenigde Rugbykampioenskap se Elite-15-span gehaal.
- Bafana Bafana voltooi hul eerste oefensessie sedert hul aankoms in Pachuca, Mexiko, voor die Wêreldbeker-sokkertoernooi.
- Ouditeur-generaal sê aan die parlementêre staande komitee oor finansies dat Johannesburg funksioneer op vals finansiële versekeringe.
- Spanning in Mosselbaai bly hoog ná drie sterftes tydens betogings teen ongedokumenteerde buitelanders.
Oorsee
- Iran het Koeweit, Bahrein daarvan beskuldig dat hulle die VSA toegelaat het om hul grondgebied te gebruik om aanvalle op ’n Iranse tenkwa en -eiland uit te voer, terwyl dit Washington veroordeel het vir die aanvalle.
- Minstens 63 mense is gewond in ’n Iranse aanval op Koeweit se lughawe, nadat owerhede vroeër berig het dat net een persoon in die aanval dood is.
- 101 mense is in Mei in Spanje aan hitteverwante oorsake oorlede, die hoogste getal vir dié maand sedert rekords in 2015 begin hou is.
- Die Malawiese regering het aangekondig dat hy begin het met die vrywillige repatriasie van sy burgers in SA in reaksie op die voortgesette betogings teen onwettige immigrasie wat Malawiërs raak.
- Libanon sê ’n Israeliese aanval op ’n ambulans in die suide van die land het 2 paramedici doodgemaak.
- Oliepryse styg weens die VSA se aanvalle op Iran se Qeshm-eiland in die Straat van Hormoes.
- WGO waarsku dat die Ebola-uitbreking, wat bevestig is dat dit 359 mense in Sentraal-Afrika doodgemaak het, ’n “groot voorsprong” gehad het, maar het hoop uitgespreek dat die reaksie vordering maak.
- Pres. Donald Trump het voorgestel dat nuwe tariewe van tot 12,5% op invoere uit SA en 59 ander lande ingestel word ná hulle glo versuim het om dwangarbeid te beperk, ’n bewering wat deur sy handelsvennote verwerp is.
- Hommeltuie van Oekraïene het vroeg Woensdagoggend energie- en militêre terreine in St. Petersburg getref terwyl amptenare in die stad byeengekom het vir ’n toonaangewende ekonomiese forum.
- Die Organisasie vir Ekonomiese Samewerking en Ontwikkeling sê die oorlog in die Midde-Ooste het wêreldwye ekonomiese groeivooruitsigte benadeel, met ’n meer ernstige skok wat wag as g’n doeltreffende skietstilstand voor 2027 bereik word nie.