Die Junior Springbokke is die vanjaar se o. 20-Rugbykampioenskap-wenners ná nóg ’n briljante vertoning vir Australië oortuigend met 56-17 geklop het.
Die Junior Bokke het vroeg die oorhand geneem, en ’n reeks strafskoppe wat deur Australië afgestaan is, het uiteindelik hul tol geëis toe Suid-Afrika die bal wyd gespeel het sodat Jack Benade sy vierde drie van die toernooi kon druk.
Yaqeen Ahmed het van ’n moeilike hoek verdoel om Suid-Afrika in die 14de minuut 7-0 voor te sit.
Dinge het vir Australië verder versleg toe hulle Leo Jacques met ’n geelkaart verloor het ná ’n kop-teen-kop-duikslag.
Die Junior Bokke het hul voorsprong in die 21ste minuut tot 14-0 vergroot toe Khuthadzo Rasivhaga ’n briljante deurbraak langs die linkerkant gemaak het en, uit die daaropvolgende losgemaal, Wasi Vyambwera, sonder dat ’n verdediger hom kon keer, oorgestap het vir ’n drie.
Die Junior Bokke het hul oorheersing voortgesit en is in die 25ste minuut met ’n strafdrie beloon vir ’n 21-0 voorsprong nadat Australië die lopende voorspelers van Suid-Afrika ineen laat stort het. Daardie oortreding het tot nóg ’n geelkaart gelei, dié keer vir slot Isaac Fonua.
Australië het iets besonders nodig gehad om terug in die wedstryd te kom, en dit is deur losskakel Finn Mackay bewerkstellig toe hy deur ’n gaping gegly het om onder die pale te druk en Suid-Afrika se voorsprong tot 21-7 te verklein.
Suid-Afrika het hul voorsprong tot 28-7 uitgebrei toe hulle met ’n tweede strafdrie beloon is nadat Taione Taka doelbewus die bal vorentoe geslaan het met die Junior Bokke net twee meter van die doellyn af en met ’n man meer.
Australië, met 13 spelers, het goeie handvaardigheid getoon, met Mackay weer prominent om Riley Whitfeld oor te stuur vir ’n onverdoelde drie, en Suid-Afrika het met ’n 28-12 voorsprong gaan rustyd hou.
Die Junior Bokke het die tweede helfte perfek begin toe Ethan Adams sy pad deur die Australiese verdediging gedans het vir ’n verdoelde drie en ’n 35-12 voorsprong.
Verdere drieë het gevolg deur Hendré Schoeman, Luke Cannon en Ahmed, terwyl Australië deur Taka gedruk het, toe die Junior Bokke na ’n oortuigende oorwinning gestap het.
- Kry al jou rugbynuus in Die Papier, op NovaNews en op KickOff.com.