Die reën, koue en oorstromings bly deel van die weer wat tans veral die Wes-Kaap swaar tref. Novus Media se gemeenskapskoerante in dié provinsie het uit verskeie dorpe berig gedoen oor die weer, skade en nuutste ontwikkelinge.
N1 naby Worcester gesluit, verskeie paaie in Weskusstreek ook gesluit
Die Weskus-distriksmunisipaliteit staar ’n veelvlakkige noodsituasie in die gesig nadat erge weer tot ontruimings, kritieke infrastruktuurskade, wydverspreide kragonderbrekings en talle padsluitings in al vyf plaaslike munisipaliteite gelei het.
Paaie gesluit en inwoners ontruim te midde van erge weer in Drakenstein
Drakenstein-munisipaliteit se nooddienste- en rampbestuurspanne probeer die situasie in dié gebied beheer terwyl swaar reënval en sterk winde die streek steeds teister.
Oorstromings tref Kaapstad en raak meer as 41 000 inwoners
Swaar reën en sterk winde het wydverspreide oorstromings regoor Kaapstad veroorsaak, met minstens 26 informele gebiede wat geraak is en meer as 41 000 inwoners wat ontheem of beïnvloed is.
Worcester: Paaie gesluit, nog ontruimings aan die gang ná oorstromings gebied in chaos dompel
Chaos het 11 Mei laat en 12 Mei vroeg in die Askamp- en Bloedrivier-informele nedersettings in Roodewal, Worcester, losgebars toe die Hexrivier wat daarnaby verbyvloei, sy walle oorstoom en inwoners se woonstruksture met groot watermassas gevul het.
Passasier sterf in Wynberg nadat boom voertuig verpletter
’n Passasier is Maandag, 11 Mei, in Wynberg dood nadat ’n boom omstreeks 07:20 op die voertuig geval het terwyl dit in Tennantweg gery het. Die bestuurder, wat die passasier op Hoofweg opgelaai het en onderweg was na Claremont, het geringe beserings opgedoen.
- Die Papier is deel van Novus Media.