Vandag in die nuus

Hier is die hoofnuus wat vandag, 13 Julie, gebeur het. Dié artikel bevat die vernaamste nuus wat plaaslik, in die sportwêreld en oorsee plaasgevind het.

Plaaslik

• Die MK-party wil hê die Idac-hoof, Andrea Johnson, moet haar optrede aan die Parlement verduidelik ná bewerings verlede week by die Madlanga-kommissie gemaak is dat sy inligting uit ’n saakdossier met Feroz Khan, adjunkhoof van misdaadintelligensie, gedeel het oor ’n aanrandingsklag teen hom.
• De Beers beplan om produksie by die Venetia-diamantmyn vir 2 jaar op te skort weens swak diamantpryse, ’n myn wat sowat 40% van SA se diamantproduksie lewer en bied werk aan ongeveer 3 500 mense.
• Die saak teen Julius Mkhwanazi, geskorste adjunkhoof van die Ekurhuleni-metropolisie, en die munisipale bestuurder, Kagiso Lerutla, is tot 21 Augustus uitgestel sodat die verdediging verdere inligting van die staat kan ontvang.
• 10 mense is beseer toe ’n gebou in Inanda, KwaZulu-Natal, ineengestort het, met verskeie ander mense wat steeds onder die puin vasgekeer is.
• Ndodana Tshuma, wat in Johannesburg in hegtenis geneem is en in Brittanje gesoek word vir die beweerde moord op sy vrou en 2 dogters, se saak is tot 22 Julie uitgestel.
• Bok-span: Slot Ruben van Heerden, stut Carlü Sadie en losskakel Vusi Moyo almal deel van die beginspan teen Wallis.
• Rassie oor nuwe Bok-span: ‘Ons het van die begin van die seisoen af vir die spelers gesê dat as alles volgens plan verloop, ons vir elkeen in die groep ’n kans sou gee om in die kompetisie te speel.’

• Suid-Afrika het ’n amptelike uitleweringsversoek van die Verenigde Koninkryk ontvang vir Ndodana Tshuma.
• Die geregtelike doodsondersoek na die dood van Anele Tembe, verloofde van rapper AKA wat sowat 2 jaar voor sy dood oorlede is, is tot September uitgestel.
• Andrea Johnson, hoof van die ondersoekdirektoraat teen korrupsie, sou na verwagting Maandag voor die Madlanga-kommissie getuig, maar het nie opgedaag nie nadat sy glo kort voor haar verskyning na ’n hospitaal gehaas is en ’n mediese brief aan die kommissie voorgelê is.
• Die beweerde misdaadbaas Vusimuzi ‘Cat’ Matlala het hom onttrek aan sy pleitooreenkoms met die staat in die korrupsiesaak oor ’n SAPD-tender van R228 miljoen wat met sy maatskappy, Medicare24, verbind word, ná hy vlugtig in die gespesialiseerde handelsmisdaadhof in Pta verskyn het.
• 4 mense is doodgeskiet in die Mkhuhlu-township in Bushbuckridge ná ’n voorval wat glo Sondagaand in die Calcutta-polisiëringsgebied plaasgevind en waarvan die motief van die massaskietery nog onbekend is.

Oorsee

• Die ‘Jurassic Park’-akteur Sam Neill is in die ouderdom van 78 in Australië oorlede, het sy familie in ’n verklaring gesê waarin sy dood as ‘skielik en onverwags’ beskryf is.
• ’n Groot brand in ’n kroeg in Bangkok het minstens 27 mense dood gemaak en tientalle beseer, die dodelikste voorval van dié aard in Thailand in byna 2 dekades.
• Hommelaanvalle het 3 mense in die Moskou-streek dood gemaak en vyf gewond, terwyl Oekraïne sy aanvalle verskerp in reaksie op Rusland se aanhoudende aanvalle.
• Iran sê hulle sal nie langer die memorandum van verstandhouding met die VSA nakom indien Washington versuim om sy verbintenisse na te kom om die oorlog te beëindig nie.
• Eerste minister Pedro Sánchez het die toneel van een van Spanje se dodelikste veldbrande in onlangse geskiedenis besoek, waarin 13 mense gesterf en sowat 7 000 hektaar grond afgebrand het.

• Die Kremlin het ’n beraad in Parys tussen Oekraïne se president, Wolodimir Zelenski, en sleutellande van die sogenaamde ‘koalisie van gewilliges’ afgemaak as ’n byeenkoms van leiers wat ‘nie vrede wil hê nie’, terwyl Moskou gesê het hy sal die verrigtinge ‘fyn dophou’.
• ’n Amerikaanse Ebola-pasiënt het in Duitsland aangekom vir behandeling, enkele weke nadat nog ’n Amerikaner wat met Ebola besmet is, daar behandel is.
• Israeliese magte het ’n Palestynse werker doodgeskiet toe hy glo probeer het om oor die versperring tussen Jerusalem en die besette Wesoewer te klim, het die Palestynse departement van gesondheid gesê.
• Midde-Ooste-oorlog: Lugaanvalsirenes is in Bahrein geaktiveer terwyl die weermag gesê het hy hanteer ‘vyandige lugteikens’.
• Oliepryse het met meer as 4% gestyg ná ’n nuwe opvlamming in spanning tussen die VSA en Iran wat hul brose skietstilstand bedreig het.
• Die Jordaanse weermag sê dit het 4 Iranse missiele bo die land afgeskiet wat, volgens Teheran, as vergelding vir Amerikaanse lugaanvalle bedoel was.