Stormers XXIII se afrigter, Tom Dawson-Squibb, weet sy span staan voor ‘n geweldige uitdaging wanneer hulle Sondag na Boland-stadion reis om die Boland Kavaliers in ‘n Curriebeker-wedstryd aan te durf.
Die Kaapse span het verlede naweek hul veldtog op die beste moontlike wyse afgeskop deur die verdedigende kampioene, Griekwas, in die laaste oomblikke van ‘n opwindende wedstryd op Kaapstad-stadion te klop.
Maar met Boland wat ook hul seisoen met ‘n oorwinning oor die Bulls XV begin het, weet Dawson-Squibb dat ‘n moeilike wegwedstryd op hulle wag.
“Dit is ‘n fantastiese uitdaging. Ek het dit verlede week gesê en ek sê dit weer dié week – ons gaan ons tweede wedstryd as die buitestaanders binne,” het Dawson-Squibb Donderdag ná die aankondiging van sy span aan verslaggewers gesê.
“Hulle het die Bulls geklop, en hulle het ons ook in ‘n vriendskaplike wedstryd geklop. Dit is op hul tuisveld voor ‘n passievolle skare.
“Hopelik sal daar ook ‘n bietjie blou en wit op die paviljoene wees. Maar ek sien dit altyd as ‘n geleentheid.
“Ons weet ons is onder druk en dat Boland die gunstelinge is.”
Met Stormers XXIII-kaptein Jean-Luc du Plessis wat weens ‘n besering nie beskikbaar is nie, sal die ervare skrumskakel Stefan Ungerer die span Sondag aanvoer.
Hy het gesê dit is ‘n groot eer om kaptein te wees, maar beklemtoon dat hy op die span se ervare leiersgroep sal steun.
“Dit is ‘n geweldige eer en voorreg om die span aan te voer,” het Ungerer gesê.
“Ons het ‘n sterk leiersgroep met baie ervaring onder die voorspelers en ook ‘n paar senior spelers onder die agterspelers. Dit is beslis ‘n gedeelde verantwoordelikheid, maar ek sien baie daarna uit.”
Ungerer verwag ook dat die Stormers ‘n strawwe toets sal beleef indien hulle twee oorwinnings uit twee wedstryde wil behaal.
“Ek het verlede jaar na heelwat van Boland se Curriebeker-wedstryde gekyk, en dit is besonders om te sien wat daar opgebou is,” het hy gesê.
“Klubrugby in die Boland- en Wellington-omgewing is enorm, en die ondersteuning wat hulle ontvang het, weerspieël nou in die rugby wat hulle speel en die resultate wat hulle behaal.
“Ons is deeglik bewus van die uitdaging wat Sondag op ons wag.”
Sondag se wedstryd skop om 15:00 af. Die wedstryd sal op SuperSport 211 uitgesaai word.
Kitsfeite
- Dit sal Alistair Vermaak se eerste wedstryd teen sy vorige span wees nadat hy van harsingskudding herstel het. Hy is een van drie veranderinge wat afrigter Hawie Fourie aan die span aangebring het ná hul sege oor die Bulle vyftiental verlede naweek.
- Jean-Luc du Plessis word deur Dominic Malgas vervang nadat hy deur ‘n kniebesering uitgeskakel is.
- Ook Tom Barnard moes vanweë ‘n besering vervang word en Dylan de Leeuw sal in sy plek op die veld draf.
- Skeidsregter: AJ Jabos, bygestaan deur Juan de Bod en Zoe Naude met Egon Seconds as die TV-skeidsregter.
Stormers XXIII-span
15 Dylan Miller
14 Gino Cupido
13 Josh Boulle
12 Cornell Smit
11 Mfundo Ndhlovu
10 Dominic Malgas
9 Stefan Ungerer (kapt)
8 Wandile Mlaba
7 Divan Fuller
6 Keke Morabe
5 Gerbrandt Grobler
4 Tom Barnard
3 Herman Lubbe
2 Vernon Paulo
1 Oli Kebble
Plaasvervangers
16 Scarra Ntubeni
17 Mhleli Khuzwayo
18 Hencus van Wyk
19 Gary Porter
20 Dylan de Leeuw
21 Xola Nyali
22 Tiaan Fourie
23 Kian Davis
Boland Kavaliers-span
15 Domenic Smit
14 Xavier Mitchell
13 Lunathi Nxele
12 Jurick Lewis
11 Jayden Bantom
10 Chris Smit
9 Louis Schreuder
8 Thurlow Marshh (kapt)
7 Khwezi Mafu
6 Gift Dlamini
5 Marlyn Williams
4 Jeandré Leonard
3 Dayan van der Westhuizen
2 Joshua Eras
1 Alistair Vermaak
Plaasvervangers
16 Llewellyn Classen
17 Mthokozisi Gumede
18 Heiko Pohlmann
19 Johnré Stopforth
20 Taine Booysen
21 Chriswill September
22 Ashlon Davids
23 David Brits