Die All Blacks gaan hul span sterk roteer tydens hul eerste drie toerwedstryde teen Suid-Afrika se Verenigde Rugbykampioenskap (VRK)-spanne ter voorbereiding van vier toetswedstryde teen die Springbokke.
Dit is Nieu-Seeland se eerste uitgebreide toer na Suid-Afrika in 30 jaar, en die hulpafrigter Jason Ryan het erken die All Blacks wil dadelik aan die gang kom, en dit sal alles begin met hul kragmeting teen die Stormers Vrydagaand in Kaapstad.
“Ek dink dit is baie belangrik dat ons met selfvertroue begin en ons eie spel speel,” het Ryan volgens Stuff NZ gesê.
“Ons het 10 nuwe spelers wat by die groep aangesluit het en ’n paar debutante wat nog nooit vantevore deel van hierdie omgewing was nie, daarom is dit eerstens belangrik om hulle goed voor te berei.
“Dan wil ons rugby speel, en [hoofafrigter Dave Rennie] het dit baie duidelik gestel dat ons almal ’n geleentheid wil gee in hierdie eerste paar wedstryde. Dit is waarvoor die toer bedoel is. Ons het dit nie probeer wegsteek nie en dit is die geleentheid.”
Ryan sê die All Blacks gaan nie onvoorbereid die wedstryd teen die eerste VRK-kampioene aanpak nie en dat hulle deeglik navorsing oor John Dobson se span gedoen het.
“Ons begin goed, leer die Stormers beter ken, op wie ons deeglik voorberei het, en ons berei ons daarvolgens vir elke wedstryd voor.”
- Vrydag se wedstryd skop om 19:00 by die Kaapstad-stadion af.
- Kry al jou rugbynuus in Die Papier, op NovaNews en op KickOff.com.