Nuwe peiling deur die Instituut vir Rasseverhoudinge (IRV)
Hermann Pretorius, ontleder by die Instituut vir Rasseverhoudinge (IRV), het ’n nuwe IRV-peiling eksklusief aan Die Papier verskaf. Dit meet die ANC se nasionale steun op 35,5% – sowat 10 persentasiepunte laer as die 45,59% wat die party in die 2021- plaaslike verkiesing behaal het.
Die IRV meet die DA op 27% (presies dieselfde as die SRF), die IVP op 4%, die PA op 3% en die VF Plus en ActionSA op 2% elk.
Van die grootste verskille tussen die IRV- en SRF-peilings is die MKP (12,2% steun volgens die IRV, teenoor die SRF se 15%) en die EFF (10% volgens die IRV, teenoor die SRF se 7%). Die IRV se 10% vir die EFF is net 0,3 persentasiepunte laer as die steun wat die party in die 2021- plaaslike verkiesing getrek het.
- Lees die volledige artikel in Die Papier, wat nou op die rakke is.
- Huisaflewering is ook beskikbaar deur On the Dot te e-pos by diepapierintekening@onthedot.co.za of te bel by 087 353 2191.
- ’n Elektroniese koerant kan ook gekoop word by op diepapier.co.za of by Magzter.