Britse anti-immigrasiepolitikus Nigel Farage het as parlementslid bedank om in ’n tussenverkiesing te staan. Die hoogs ongewone stap kom terwyl Farage, wie se Reform UK-party nasionale meningspeilings lei, toenemende druk in die gesig staar oor die nie-openbaarmaking van geskenke, insluitend ná bewerings deur ’n veroordeelde bedrieër.
Die parlement se anti-korrupsie-waghond het Farage ondersoek oor skenkings van twee welgestelde individue. Sy bedanking beteken die ondersoeke sal nou opgeskort word. Farage sê hy is onskuldig.
Daarteenoor bly die politieke toekoms van die Franse regse leier, Marine Le Pen, onseker. Dit kom nadat ’n hof gesê het sy kan ’n kandidaat in volgende jaar se presidentsverkiesing wees, maar met ’n enkelmonitor. Dit sal haar beweging baie belemmer. Le Pen is verlede jaar aan bedrog skuldig bevind. Deel van die vonnis is om die monitor vir ’n jaar lank te dra.
- Lees meer oor wat dié week in die wêreld gebeur het in Die Papier, wat nou op die rakke is.
- Huisaflewering is ook beskikbaar deur Op the Dot te e-pos by diepapierintekening@onthedot.co.za of te bel by 087 353 2191.
- ’n Elektroniese koerant kan ook gekoop word by op diepapier.co.za of by Magzter.