Statebondspele: Net 0,01 sekonde tussen Smith en bronsmedalje!

Span SA het Maandag met nege medaljes by die 2026 Statebondspele begin – almal verower in die Tollcross Internasionale Swemsentrum.

Nog twee medaljes is later tydens die aandsessie in die swembad bygevoeg, met Erin Gallagher wat brons in die 100 m-vlinderslag gewen het, gevolg deur Michael Houlie se silwer in die 50 m-borsslag. Chris Smith was bitter ongelukkig en het die bronsmedalje met slegs 0,01 sekonde misgeloop.

ATLETIEK

Mans 100 m, eerste ronde: Bradley Nkoana het sy uitdun in 10,16 sekondes gewen en as die 10de vinnigste na die halfeindronde deurgedring. Cheswill Johnson het ook sy uitdun gewen in 10,21 sekondes en as die 15de vinnigste gekwalifiseer. Gift Leotlela het ‘n vrystelling na die halfeindronde ontvang.

"It's like round two of the African Champs. It just shows that Africa is growing as a continent", says Accra 2026 Silver medallist, South Africa's Bradley Nkoana, about the African representation in the men's 100m at the ongoing Commonwealth Games in Glasgow. Catch the full… pic.twitter.com/ZaPC1KLe9q

— Making of Champions (@MakingOfChamps) July 27, 2026

Mans 110 m-hekke, eerste ronde: Franco le Roux was vierde in sy uitdun in 13,64 sekondes en het as een van die vinnigste nie-outomatiese kwalifiseerders deurgedring. Sy tyd was die sesde vinnigste algeheel.

Mans 110 m-hekke, eindstryd: Franco le Roux het vierde geëindig in 13,53 sekondes. Jamaika se Demario Prince het goud gewen in 13,17 sekondes.

Vroue 800 m, eerste ronde: Prudence Sekgodiso het as een van die vinnigste nie-outomatiese kwalifiseerders na die halfeindronde deurgedring nadat sy vierde in haar uitdun geëindig het in 2:03,84.

2026 Commonwealth Games | W 800m prelim

Section 4
1) 2:02.83 Shafiqua Maloney (Ar Alum | SVG)
2) 2:03.04 Rachel Klpfenstein (MRI)
3) 2:03.15 Erin Wallace (SCO)
4) 2:03.84 Prudence Sekgodiso (RSA)

Maloney advances to semifinal pic.twitter.com/IzQWQmoZ3t

— Arkansas TF/XC 🐗 (@RazorbackTFXC) July 27, 2026

PARA-ATLETIEK

Vroue T38 100 m: Sheryl James het vierde in haar uitdun geëindig in 13,94 sekondes en as een van die vinnigste deurgedring na die eindstryd. Liezel Gouws was vyfde in 14,24 sekondes en het nie gekwalifiseer nie. James het later agtste in die eindstryd geëindig in 14,08 sekondes.

BOKS

Vroue vlieggewig (51 kg), laaste 16: Thandolwethu Mathiba het met punte teen Ruby White van Engeland verloor. Sy is in beide die eerste en tweede rondte platgeslaan.

GIMNASTIEK

Mans vloerfinaal: Daniel McLean het vyfde geëindig met 12,933 punte. Hy het 4,500 vir moeilikheidsgraad en 8,433 vir uitvoering ontvang.

Daniel McLean finishes 5th with a score of 12.933 in the men’s floor exercise final.

He came to Glasgow wanting to make a final. He did exactly that at his first Commonwealth Games.#TeamSA #ForMyCountry #Glasgow2026 pic.twitter.com/Db9VNcDRzo

— Team South Africa (@OfficialTeamRSA) July 27, 2026

ROLBAL

Mans enkelspel, Afdeling B, Ronde 6: Wayne Rittmuller het Frederrick Tafatu (Niue) met 7-6 en 8-4 geklop. Hoewel hy tweede in sy afdeling geëindig het, was hy reeds uit medaljestryd.

Mans enkelspel, Afdeling B, Ronde 7: Rittmuller het sy laaste groepswedstryd met 14-4 en 9-3 teen Gary Kelly van Noord-Ierland verloor.

SWEM

Mans 200 m-vlinderslag, uitdunne: Kris Mihaylov was tweede in sy uitdun in 1:58,12 en het as vierde vinnigste vir die eindstryd gekwalifiseer. Jarden Eaton het nie die eindstryd gehaal nie.

Mans 200 m-vlinderslag, eindstryd: Mihaylov het sewende geëindig in 1:58,02. Die 18-jarige was die jongste swemmer in die eindstryd.

2026 Commonwealth Games – M. 200 Fly Final
🥇Lewis Clareburt(NZL)- 1:55.05
🥈Harrison Turner(AUS)- 1:55.38
🥉Matthew Temple(AUS)- 1:55.45
Duncan Scott(SCO)- 1:55.85
Edward Mildred(ENG)- 1:56.75
Benjamin Loewen(CAN)- 1:57.77
Kris Mihaylov(RSA)- 1:58.02
Sajan Prakash(IND)- 1:58.05

— SwimSwam Live (@SwimSwamLive) July 27, 2026

Mans 100 m-vryslag, uitdunne: Guy Brooks het vir die halfeindronde gekwalifiseer. Pieter Coetze het onttrek om op die 100 m-rugslag te fokus.

Mans 100 m-vryslag, halfeindronde: Brooks het sewende geëindig in 49,29 sekondes en die eindstryd misgeloop.

Silwer – Mans 50 m-borsslag: Michael Houlie het lank voorgeloop, maar is op die laaste paar meter deur Australië se Sam Williamson verbygesteek. Williamson het goud gewen in 26,50 sekondes, Houlie was tweede in 26,77 sekondes en Adam Peaty-Ramsay derde in 26,94. Chris Smith was net 0,01 sekonde agter die bronswenner.

SILVER FOR MICHAEL HOULIE! 🥈

Michael Houlie touches the wall second in the Men’s 50m Breaststroke Final, securing another Silver medal for South Africa. 🇿🇦#SASportsLink #TeamSA #Glasgow2026 #CommonwealthGames pic.twitter.com/GrnrPKv7rb

— SA Sports Link (@SASportsLink) July 27, 2026

Vroue 50 m-rugslag, uitdunne: Olivia Nel en Jessica Thompson het albei vir die halfeindronde gekwalifiseer.

Vroue 50 m-rugslag, halfeindronde: Olivia Nel het as vierde vinnigste vir die eindstryd gekwalifiseer. Jessica Thompson het die eindstryd met net 0,04 sekonde misgeloop.

Vroue 50 m-borsslag, uitdunne: Lara van Niekerk het as vinnigste kwalifiseerder deurgedring. Kaylene Corbett en Rebecca Meder het ook die halfeindronde gehaal.

Defending champion Lara van Niekerk set the pace in the 50m breaststroke heats at the Commonwealth Games in Glasgow on Monday morning, signalling a return to top-flight swimming after four years in the wilderness. https://t.co/klF2Otic0R

— Times LIVE (@TimesLIVE) July 27, 2026

Vroue 50 m-borsslag, halfeindronde: Van Niekerk het as tweede vinnigste vir die eindstryd gekwalifiseer. Rebecca Meder het ook die eindstryd gehaal, terwyl Kaylene Corbett met net een plek uitgemis het.

Vroue 100 m-vryslag, eindstryd: Caitlyn de Lange het agtste geëindig.

Brons – Vroue 100 m-vlinderslag: Erin Gallagher het ‘n uitstekende wedloop gelewer en brons gewen in 57,39 sekondes, slegs 0,01 sekonde voor Australië se Brittany Castelluzzo.

BRONZE FOR ERIN GALLAGHER! 🥉

Erin Gallagher touches the wall in 57.39 to bag the Bronze Medal for South Africa in the Women's 100m Butterfly Final. 🇿🇦 #SASportsLink #TeamSA #Glasgow2026 #CommonwealthGames pic.twitter.com/buIiGIh3JH

— SA Sports Link (@SASportsLink) July 27, 2026

Vroue 4×200 m-vryslag-aflos: Span SA (Dune Coetzee, Georgia Nel, Hannah Robertson en Hannah Pearse) het sesde geëindig.

GEWIGOPTEL

Vroue 58 kg: Johanni Taljaard was vierde met ‘n totaal van 175 kg.

Vroue 58 kg: Anneke Spies-Burger het sewende geëindig.

Mans 79 kg: Jon-Antohein Phillips het buite die medaljes geëindig met ‘n totaal van 287 kg.

ROLSTOELBASKETBAL

Vroue 3×3: Span SA het hul Spele afgesluit met ‘n 21-2-nederlaag teen Engeland, nadat hulle vroeër ook teen Kanada en Australië verloor het.

Mans 3×3: Span SA het Maleisië met 13-10 geklop en was tydelik tweede in hul groep. Hulle sou vir die halfeindronde kwalifiseer indien Skotland Wallis in die laaste groepswedstryd sou klop. In daardie geval sou Suid-Afrika teen Engeland in die halfeindronde te staan kom.

Vandag se skedule

DAY 5 SCHEDULE 📅🇿🇦

Another big day awaits Team South Africa! Here's when our athletes will be in action as they continue their campaign.#TeamSA #ForMyCountry pic.twitter.com/MKbybZdmS1

— Team South Africa (@OfficialTeamRSA) July 28, 2026

Besoek Team SA vir meer nuus