Die Wes-Kaap gaan gebuk onder swaar reën en storms wat verwoestende skade regoor talle dorpe en paaie veroorsaak. Foto’s en video’s van skade in Hermanus, Worcester, Strand en Malmesbury, om net ’n paar te noem, word tans alleen gedeel deur bekommerde inwoners wat se daaglikse erg deur dié storms ontwrig word.
Volgens Michelle du Plessis, Vox se meteoroloog, word bo-gemiddelde reën in verskeie dele van die land deurlopend in Mei-maand verwag.
Navorsing deur die Wetenskaplike en Nywerheidsnavorsingsraad en die raadgewende ingenieursliggaam het verlede jaar reeds gewaarsku dat uiterste weerstoestande toenemend paaie, brûe, waternetwerke en kraginfrastruktuur beskadig.
Volgens dié verslae het weerverwante rampe die land oor die afgelope 20 jaar na raming sowat R95 miljard gekos. Johan van den Berg, onafhanklike weervoorspeller van Bloemfontein, sê infrastruktuur word veral geraak deur vloede en baie sterk wind. “Baie van ons stede en plekke se afvoerbane is so toegegroei of verstop dat water nie regtig kan uitvloei nie.”
Hy voeg by swaar reën lei gereeld tot verswakte paaie, water wat op oppervlaktes opdam en selfs sinkgate.
Verskeie plaaslike koerante het vanuit hul gebiede as deel van NovaNews se aanbod oor die verwoestende skade berig.
Stormsterkwinde saai verwoesting in Worcester, gure weer duur voort
Level 8 storm rips through Helderberg, with more to come op Tuesday
Kouga floods: 250 residents displaced as municipality races to reopen roads and restore power
Flood response and water disruptions continue across Nelson Mandela Bay
